陽光雨露的空間

正所謂同人唔同命、同遮唔同柄，利物浦前鋒丹尼京斯，轉投紅軍後多次受傷，令佢2年來出得12次場咁大把，認真陰公。呢名曾經入選英格蘭大軍嘅射手，事業雖然多多阻滯，但佢情場上堅係得意到爆，因為佢個Model女朋友Georgia Gibbs....實在係太正喇！日前佢兩小口子，加埋一班朋友出海慶生，期間丹尼京斯啜爆勁索女友，場麵火辣到你唔信，唔少網友都認為Georgia係英超最正WAG，仲葡萄話如果個Honey咁正，傷幾耐都值得！

今年24歲嘅丹尼京斯，15年於般尼踢到曉飛，最終轉投利物浦，點知之後多次嚴重受傷，搞到連唔少紅軍球迷，都唔記得呢名英格蘭射手存在。不過柳暗花明，京斯喺事業低潮遇到Georgia Gibbs，呢名22歲靚女Model喺英格蘭出世，但3年前於澳洲參加《Australia's Next Top Model 》節目彈起，成為歐洲其中一個新紮模特兒。Georgia日前生日，就同男朋友及一班老死出海慶祝，出得海梗係著比堅尼啦，一副身材堅索到冇朋友，佢同京斯全程啜到爆，仲擺相上網放閃，全球單身狗都畀你哋閃盲喇。

東網體育同你追實體壇每個精彩時刻！　
http://bit.ly/2ecTF2A　 
原文地址：http://hk.on.cc/hk/bkn/cnt/sport/20170613/bkn-20170613184704844-0613_00882_001.html